U Minsku ramantyčnyja adnosiny pieraraśli ŭ zabojstva
U stalicy ŭstanoŭleny abstaviny žorstkaha zabojstva, paviedamlaje SK.
Fota: SK
Minułym letam 45‑hadovaja minčanka paznajomiłasia ŭ internecie z mužčynam, i ich stasunki pastupova pieraraśli ŭ ramantyčnyja adnosiny. Para sustrakałasia niekalki miesiacaŭ, adnak paźniej žančyna adnaviła kantakty z raniejšym spadarožnikam žyćcia.
U adkaz internet-znajomy pryjechaŭ da jaje dadomu, kab vyśvietlić dačynieńni. Padčas emacyjnaj razmovy jon pasprabavaŭ abniać žančynu, ale jana ŭdaryła jaho pa tvary. U adkaz mužčyna schapiŭ nož i pačaŭ nanosić šmatlikija ŭdary pa ciele, tvary i kaniečnaściach achviary. Žančyna pamierła.
Mužčyna zabraŭ z domu rečavyja dokazy i ŭciok. Dziakujučy zładžanaj pracy śledčych i supracoŭnikaŭ milicyi 54‑hadovy biespracoŭny byŭ zatrymany.