Va Ukrainie chejciać Cinu Karal praź pieśniu pra śviatło i ciapło. Jana zapisała pakajannaje videa

Ukrainskaja śpiavačka Cina Karal sutyknułasia z rezkaj krytykaj z boku karystalnikaŭ internetu praź pieśniu pra adsutnaść elektryčnaści, vady i ciapła ŭ damach ukraincaŭ. Artystcy navat daviałosia publična adkazvać na abvinavačańni, piša UNIAN.

Cina Karal. Fota: instagram.com/tina_karol

Niadaŭna Cina Karal apublikavała videa, na jakim jana vykonvaje pieśniu sa słovami pra toje, što navat bieź śviatła i ciapła ŭ ludziej zastajucca dabrynia, adzinstva i siamja. Adnak na fonie ciažkaj situacyi ŭ enierhasistemie krainy mnohija ŭspryniali hety trek niehatyŭna.

U kamientarach karystalniki abvinavačvali śpiavačku ŭ niedarečnaści ciapier padobnaj tvorčaści, adarvanaści jaje ad realnaści i navat pisali, što takoj pieśniaj jana «pachavała karjeru». Niekatoryja stavili pad sumnieŭ, dla kaho naohuł heta ŭsio pryznačana, śćviardžajučy, što takaja pieśnia ciapier vyhladaje jak naśmichańnie ź ludziej.

U adkaz Cina Karal napisała ŭ svaim telehram-kanale, što pieśnia zusim nie novaja — joj užo kala dvuch hadoŭ, a vypuściŭ jaje aŭtar Daniła Haradziecki jašče viasnoj 2023 hoda. Śpiavačka patłumačyła, što jaje metaj było chacia b krychu padtrymać ludziej i «dadać śviatła ŭ dušy».

Videa z prabačeńniem jana apublikavała ŭ sacsietkach.

Karal padkreśliła, što zaraz ciažka ŭsim biez vyklučeńnia — choładna, niepryjemna i sumna. Pavodle słoŭ śpiavački, hałoŭny sens pieśni — pra čałaviečaje ciapło i ŭzajemnuju padtrymku. Cina Karal taksama adznačyła, što sama karystajecca hienierataram, ale apłačvaje jaho pracu za ŭłasnyja hrošy, i, jak i ŭsie, zmahajecca z kryzisam.

Abvinavačańni ŭ tym, što pieśnia nibyta była zamoŭlena ŭładami, jana nazvała absalutnaj niedarečnaściu.

Kamientary da artykuła