Rasijskija kanały pišuć, što ŭ Tajłandzie źnikła anlifanščyca ź Pinska. Ale jana nie źnikała

abnoŭlena

Biełaruskaja OnlyFans-madel Valeryja, jakaja rodam ź Pinska, źnikła ŭ Tajłandzie, napisaŭ rasijski telehram-kanał Shot. Ale vyśvietliłasia, što ź dziaŭčynaj usio ŭ paradku.

Fota: Shot

Shot zajaviŭ, što dziaŭčyna ŭžo tydzień nie vychodzić na suviaź ź siabrami i svajakami. Kažuć, što jaje paviedamleńni čytajucca, ale adkazaŭ niama. Apošni raz jana razmaŭlała ź siabroŭkaj 13 studzienia.

Valeryja pierajechała ŭ Pataju ŭ 2023 hodzie i zarablała prodažam svaich eratyčnych fota pad nikam Lanalourenc, a taksama arhanizoŭvała tusoŭki. U kastryčniku 2025 hoda jana pierajechała na Pchukiet.

Paśla taho jak suviaź ź joj pierarvałasia, svajaki nibyta stali padazravać, što jaje mahli vykraści i pradać u rabstva ŭ inšuju krainu, dadaŭ kanał.

Adnak sama dziaŭčyna paźniej abvierhła heta i skazała, što nikudy nie źnikała.

Raniej stała viadoma, što 26‑hadovaja biełaruskaja śpiavačka Viera Kraŭcova, byłaja ŭdzielnica šou «Hołas», taksama pryjechała ŭ Tajłand na padpracoŭku madellu, ale trapiła ŭ rabstva ŭ Mjanmu, dzie jaje, jak miarkujecca, zabili i pradali na orhany.

Kamientary da artykuła