Prakuratura rastłumačyła, čamu ŭ Biełarusi zabaranili knihu pra BNR
Kniha Daroty Michaluk, pryśviečanaja historyi Biełaruskaj Narodnaj Respubliki, niadaŭna była pryznanaja niepažadanaj dla raspaŭsiudžvańnia ŭ Biełarusi. Pavodle tłumačeńnia viedamstva, jaje źmiest nie adpaviadaje pałažeńniam dyrektyvy Łukašenki ab dziaržaŭnaj ideałohii i moža škodzić intaresam krainy. Inicyjatyva ŭniasieńnia vydańnia ŭ zabaronieny śpis pachodziła ad prakuratury Horackaha rajona.
Kniha Daroty Michaluk «Biełaruskaja Narodnaja Respublika 1918‑1920 hh.: la vytokaŭ biełaruskaj dziaržaŭnaści»
Prakuratura znajšła knihu «Biełaruskaja Narodnaja Respublika 1918—1929 hh.: la vytokaŭ biełaruskaj dziaržaŭnaści» ŭ internet-prodažy i nakiravała jaje na ekśpiertyzu ŭ Respublikanskuju kamisiju pa acency simvoliki, atrybutyki i infarmacyjnaj pradukcyi.
Pavodle zaklučeńnia kamisii, asobnyja častki vydańnia supiarečać dyrektyvie Łukašenki ad 9 krasavika 2025 hoda № 12 «Ab realizacyi asnoŭ ideałohii biełaruskaj dziaržavy» i mohuć nanieści škodu nacyjanalnym intaresam.
Na padstavie hetaha Ministerstva infarmacyi ŭklučyła knihu ŭ pieralik drukavanych vydańniaŭ, raspaŭsiud jakich ličycca niebiaśpiečnym dla nacyjanalnych intaresaŭ Biełarusi. Knihu źniali z prodažu.
Čytajcie taksama:
U Biełarusi zabaranili navukovuju knihu pa historyi BNR
«Ekstremistam» aficyjna zabaranili pracavać ź dziećmi
Fiaduta: Spačatku źnikli knihi Śviatłany Aleksijevič, potym — inahientaŭ