Makron adchilić zaprašeńnie Trampa ŭvajści ŭ skład Rady miru

Ahienctva Bloomberg paviedamlaje, što prezident Francyi Emaniuel Makron maje namier admovicca ad prapanovy prezidenta ZŠA Donalda Trampa dałučycca da stvaranaj im Rady miru. Pavodle źviestak ahienctva, jakoje spasyłajecca na krynicu, blizkuju da francuzskaha lidara, Makron nie źbirajecca prymać hetaje zaprašeńnie dla Francyi.

Emaniuel Makron. Fota: Ludovic Marin / AP

Prezident Francyi ličyć, što prapanavany statut novaj struktury vychodzić daloka za ramki ŭrehulavańnia situacyi vakoł siektara Haza i vyklikaje surjoznyja sumnievy adnosna zachavańnia pryncypaŭ i roli Arhanizacyi Abjadnanych Nacyj.

Raniej u ŚMI źjaviŭsia prajekt statuta Rady miru. Zhodna ź im, Donald Tramp płanuje patrabavać pa adnym miljardzie dalaraŭ ad krain, jakija zachočuć stać pastajannymi členami arhanizacyi, a taksama pakidaje za saboj vyrašalnaje słova pry pryniaćci ŭsich rašeńniaŭ.

Tramp užo nakiravaŭ zaprašeńni šerahu jeŭrapiejskich dziaržaŭ, Kanadzie, a taksama Pucinu i Łukašenku. U Polščy ŭrad papiaredziŭ prezidenta Karala Naŭrockaha, što ŭdzieł u takoj arhanizacyi mahčymy tolki paśla zhody ŭrada i parłamienta.

Kamientary da artykuła