Prezident Bałharyi zajaviŭ pra svaju adstaŭku
Prezident Bałharyi Rumien Radzieŭ zajaviŭ padčas zvarotu da nacyi 19 studzienia, što padaje ŭ adstaŭku.
Rumien Radzieŭ. Fota: AP Photo/Sergei Grits
Padčas vystupu Rumien Radzieŭ adznačyŭ, što heta jahony «apošni zvarot u jakaści prezidenta» Bałharyi. Jon vykazaŭ namier padać u adstaŭku z pasady kiraŭnika dziaržavy 20 studzienia, a taksama vykazaŭ upeŭnienaść u tym, što vice-prezidentka Ilijana Jotava stanie hodnym vykanaŭcam abaviazkaŭ prezidenta.
Rumien Radzieŭ źjaŭlajecca prezidentam Bałharyi z 22 studzienia 2017 hoda, u 2021‑m pieraabraŭsia na druhi termin. Aficyjna termin jahonych paŭnamoctvaŭ zakančvaŭsia ŭ studzieni 2027 hoda.
Adstaŭku Radzieva źviazvajuć ź jahonym namieram stvaryć ułasnuju palityčnuju partyju paśla adstaŭki ŭ minułym miesiacy pad upłyvam masavych pratestaŭ urada krainy i na jaje čale ŭdzielničać u novych parłamienckich vybarach. Pavodle bałharskaj kanstytucyi asnoŭnyja ŭładnyja paŭnamoctvy naležać premjer-ministru krainy, a ŭłada prezidenta mocna abmiežavanaja.
Rumien Radzieŭ naležyć da liku bałharskich palitykaŭ, jakija zajmajuć pazicyju, prychilnuju da Rasii. Jon nie raz adznačaŭsia vykazvańniami, jakija možna rasceńvać jak prarasijskija.
Čytajcie taksama:
Jašče adna kraina pierajšła na jeŭra
U Bałharyi masavyja pratesty. Urad pajšoŭ u adstaŭku
Rasija stračvaje kantrol nad Uschodniaj Jeŭropaj — ale razmova nie pra Biełaruś