Tramp admaŭlaje, što admianiŭ udary pa Iranie pad niečym upłyvam, i dziakuje iranskim uładam

Donald Tramp zajaviŭ, što nichto nie sprabavaŭ upłyvać na jaho rašeńnie i adhavorvać ad udaru pa Iranie — jon pryniaŭ hetaje rašeńnie samastojna.

Donald Tramp. Skrynšot ź videa

«Mianie nichto nie pierakonvaŭ. Ja pierakanaŭ sam siabie», — skazaŭ Tramp, pachvaliŭšy pry hetym iranskuju ŭładu.

«Jany źbiralisia paviesić bolš za 800 čałaviek učora, i ja vielmi pavažaju toj fakt, što jany heta admianili. Dziakuj!» — dadaŭ jon.

Raniej paviedamlałasia, što na rašeńnie Trampa nie rabić suprać Irana aktyŭnych vajennych dziejańniaŭ paŭpłyvali kiraŭniki krain Piersidskaha zaliva — Saudaŭskaj Aravii, Katara i Amana.

Žurnalisty pacikavilisia ŭ prezidenta ZŠA, ci zastajucca ŭ sile jahonyja raniejšyja słovy pra toje, što dapamoha ŭdzielnikam antyŭradavych pratestaŭ u Iranie z boku ZŠA «ŭžo ŭ darozie».

U adkaz Tramp skazaŭ, što heta jašče budzie vyrašacca. «My pahladzim», — zajaviŭ jon.

Kamientary da artykuła