Kurejčyk: Dzieci Cichanoŭskich pierajechali ŭ ZŠA

Pa słovach režysiora, jany znachodziacca tam ź Siarhiejem i ŭžo pajšli ŭ miascovuju škołu.

Fota: Marek Antoni Iwanczuk / NurPhoto via Getty Images

Režysior Andrej Kurejčyk u svaim niadaŭnim strymie raskazaŭ, što Siarhiej Cichanoŭski ciapier vučycca ŭ ZŠA i dzieci žyvuć tam razam ź im. «Zabraŭ tudy dziaciej, jany pajšli ŭ škołu», — zajaviŭ Kurejčyk.

Siarhiej Cichanoŭski, raskazvajučy «Našaj Nivie» pra svaje płany, nie staŭ adkazvać pra pierajezd i siamju.

«Siarhiej sapraŭdy znachodzicca ŭ ZŠA, navučajecca na kursach anhielskaj movy. A pa dzieciach ja nie daju kamientaroŭ z pryčyn biaśpieki», — Śviatłana Cichanoŭskaja koratka prakamientavała słovy Kurejčyka.

Pierajezd adbyŭsia na fonie razmovaŭ pra budučy pierajezd Ofisa Śviatłany Cichanoŭskaj ź Vilni ŭ Varšavu praz pytańni z arhanizacyjaj achovy.

Śviatłana, Siarhiej, Karniej i Ahnija Cichanoŭskija. Fota z sacsietak Śviatłany Cichanoŭskaj

Kamientary da artykuła