Курэйчык: Дзеці Ціханоўскіх пераехалі ў ЗША
Па словах рэжысёра, яны знаходзяцца там з Сяргеем і ўжо пайшлі ў мясцовую школу.
Фота: Marek Antoni Iwanczuk / NurPhoto via Getty Images
Рэжысёр Андрэй Курэйчык у сваім нядаўнім стрыме расказаў, што Сяргей Ціханоўскі цяпер вучыцца ў ЗША і дзеці жывуць там разам з ім. «Забраў туды дзяцей, яны пайшлі ў школу», — заявіў Курэйчык.
Сяргей Ціханоўскі, расказваючы «Нашай Ніве» пра свае планы, не стаў адказваць пра пераезд і сям'ю.
«Сяргей сапраўды знаходзіцца ў ЗША, навучаецца на курсах ангельскай мовы. А па дзецях я не даю каментароў з прычын бяспекі», — Святлана Ціханоўская коратка пракаментавала словы Курэйчыка.
Пераезд адбыўся на фоне размоваў пра будучы пераезд Офіса Святланы Ціханоўскай з Вільні ў Варшаву праз пытанні з арганізацыяй аховы.
Святлана, Сяргей, Карней і Агнія Ціханоўскія. Фота з сацсетак Святланы Ціханоўскай
Чытайце таксама:
«Засяроджуся на працы з ЗША». Ціханоўскі расказаў пра свае палітычныя планы на 2026 год