Džej Dzi Vens nie pryjedzie na Miunchienskuju kanfierencyju pa biaśpiecy
Vice-prezident ZŠA Džej Dy Vens sioleta nie voźmie ŭdziełu ŭ Miunchienskaj kanfierencyi ab biaśpiecy, paviedamiła vydańnie The Pioneer. Jašče niekalki dzion tamu ŚMI pisali, što amierykanski palityk znoŭ płanuje vystupić na forumie ŭ lutym, adnak ciapier jaho vizit admienieny.
Fota: Kent Nishimura / Getty Images
Letaś Vens zapomniŭsia ŭ Miunchienie žorstkim vystupleńniem z krytykaj Jeŭropy, nahadvaje Bild.
Jon abvinavačvaŭ jeŭrapiejskija ŭrady ŭ cenzury ŭ sacyjalnych sietkach i pieraśledzie inšadumstva, zajaŭlajučy, što ŭłady vykarystoŭvajuć «ahidnyja słovy z savieckaha minułaha, nakštałt «dezinfarmacyi», kab prymusić maŭčać krytykaŭ.
Tady Vens naŭprost daŭ zrazumieć, što bieź źmien u staŭleńni da svabody słova adnosiny z ZŠA buduć paharšacca.
«Kali vy baiciesia ŭłasnych vybarščykaŭ, Amieryka ničoha nie zmoža dla vas zrabić. I, bolš za toje, vy ničoha nie zmožacie zrabić dla amierykanskaha naroda, jaki abraŭ mianie i prezidenta Trampa», — zajaviŭ jon tady.