Mocnyja marazy zatrymajucca jašče na tydzień
Jak doŭha ŭ Biełarusi pratrymajecca maroznaje nadvorje, raskazali BiełTA ŭ Biełhidramiecie.
Ciaham nastupnaha tydnia pad uździejańniem vobłaści pavyšanaha atmaśfiernaha cisku, sfarmavanaj u chałodnaj pavietranaj masie, u Biełarusi zachavajucca anamalna nizkija tempieratury pavietra — u asnoŭnym na 8—18 hradusaŭ nižej za siarednija šmathadovyja značeńni (klimatyčnaja norma druhoj i treciaj dekad studzienia — minus 1,4—4,5 i minus 3,2—6,6 hradusa adpaviedna).
Načnyja minimumy buduć vahacca ad minus 10 da minus 25 hradusaŭ, pry prajaśnieńniach miescami pavietra budzie astyvać da minus 28, a dzionnyja maksimumy składuć ad minus 5 hradusaŭ u zachodnich da minus 18 hradusaŭ va ŭschodnich rajonach krainy.
U piatnicu, 16 studzienia, unačy čakajecca 17—24 hradusy marozu, miescami — minus 25—28, pa zachadzie — minus 10—16. Udzień — ad minus 7 hradusaŭ pa paŭdniovym zachadzie da minus 16 hradusaŭ pa paŭnočnym uschodzie.
U subotu ŭnačy minus 17—24 hradusy, miescami — da minus 28, u zachodnich i krajnich paŭdniova-ŭschodnich rajonach — minus 14—16. Udzień budzie 8—15 hradusaŭ marozu, miescami — da minus 17.
U niadzielu ŭnačy minus 18—25 hradusaŭ, miescami — da minus 28, u zachodnich rajonach — minus 16—17. Udzień — 9—15 hradusaŭ marozu, miescami — da minus 18.
U paniadziełak—aŭtorak, 19—20 studzienia, budzie pieravažna biez apadkaŭ. U asobnych rajonach — słaby tuman dy iniej. Na darohach miescami hałalodzica. Tempieratura pavietra ŭnačy składzie minus 18—25 hradusaŭ, miescami — da minus 28, u zachodnich rajonach — minus 12—17. Udzień — 8—15 hradusaŭ marozu, 20 studzienia miescami pa zachadzie — minus 5—7.
U sieradu, 21 studzienia, unačy pry prajaśnieńniach — da minus 25, pa poŭnačy — minus 12—15. Udzień — 5—12 hradusaŭ marozu, miescami — da minus 14.