Jašče šeść niemaŭlat z radzilni ŭ rasijskim Novakuźniecku, dzie pamierli dzieviać dziaciej, znachodziacca ŭ reanimacyi
Hałoŭny doktar zatrymany.
Situacyja vakoł hibieli dzieviaci novanarodžanych u Novakuźnieckaj haradskoj balnicy №1 paharšajecca. Jak stała viadoma 14 studzienia, jašče šeść dziaciej z hetaj ža ŭstanovy znachodziacca ŭ adździaleńnie reanimacyi i intensiŭnaj terapii dziciačaj lakarni. Stan niemaŭlat aceńvajecca jak ciažki, ale stabilny.
Siońnia byli zatrymanyja hałoŭny doktar balnicy i vykanaŭca abaviazkaŭ zahadčyka adździaleńnia reanimacyi novanarodžanych. Śledčy kamitet padazraje ich u chałatnaści i pryčynieńni śmierci ź nieaściarožnaści praź nienaležnaje vykanańnie prafiesijnych abaviazkaŭ.
U Novakuźniecku pracuje kamisija. Śpiecyjalisty vyvučajuć historyi chvarob i toje, jak była arhanizavana dapamoha paradzicham i dzieciam. Dakładnyja pryčyny hibieli niemaŭlat stanuć viadomyja prykładna praz dva tydni.
Radzilnia №1, dzie adbyłosia zdareńnie, zakrytaja dla novych pacyjentak.