Źbirajucca spraścić praceduru atrymańnia DNŽ dla «kaštoŭnych» inšaziemcaŭ

U Biełarusi źbirajucca spraścić paradak atrymańnia dazvołu na žycharstva dla inšaziemcaŭ, jakija ŭjaŭlajuć asablivuju kaštoŭnaść dla krainy. Deputaty Pałaty pradstaŭnikoŭ pryniali ŭ druhim čytańni zakonaprajekt ab źmienach u zakanadaŭstvie, što tyčycca dziaržaŭnaj daktyłaskapičnaj rehistracyi.

Fota ilustracyjnaje

Siarod prapanavanych navacyj — admiena patrabavańnia ab trochhadovym bieśpierapynnym pražyvańni na terytoryi Biełarusi dla inšaziemcaŭ, jakija chočuć atrymać dazvoł na pastajannaje pražyvańnie.

Kali dakumient budzie zaćvierdžany Savietam Respubliki i padpisany Łukašenkam, hetaje praviła pierastanie dziejničać dla vysokakvalifikavanych zamiežnych śpiecyjalistaŭ, jakija pryjazdžajuć žyć i pracavać u krainu.

Akramia taho, zakonaprajekt praduhledžvaje abaviazkovaje prachodžańnie dziaržaŭnaj daktyłaskapii dla asobnych katehoryj inšaziemcaŭ, asob biez hramadzianstva i hramadzian Biełarusi. Praviadzieńnie takoj pracedury ŭ vyznačanych vypadkach prapanujecca daručyć orhanam pahraničnaj słužby.

Taksama dakumient nadaje pahraničnikam i mytnikam prava pravodzić asabisty ahlad hramadzian i ich rečaŭ na miažy, u tym liku z vykarystańniem śpiecyjalnych i techničnych srodkaŭ.

Kamientary da artykuła