Sieviaryniec: Nie budzie Cichanoŭskaj — budzie nul
Ale treba zvažać i na pazicyju Paźniaka, kab nie patanuć u mory čužych intaresaŭ, raić były palitviazień.
«Śviatłana Cichanoŭskaja na sieńnia — adzinaja biełaruskaja postać, na jakuju zvažajuć u mižnarodnym maštabie. Nie budzie Cichanoŭskaj — budzie nul. Tak pracuje mižnarodnaja palityka. Kali biełarusy nie mohuć vyznačycca albo svaracca mižsobku — u sieńniašnim burlivym i źmienlivym śviecie heta aznačaje, što nas nie buduć brać u raźlik», — zaznačyŭ u svaim fejsbuku Pavieł Sieviaryniec, tłumačačy svaju pazicyju.
Z druhoha boku, piša jon, Paźniak — paśladoŭny i žorstki vyraźnik biełaruskaha nacyjanalnaha intaresu i biełaruskaha vyžyvańnia.
«Kali nie zvažać na Paźniaka — lehka zhubić bierahi i patanuć u mory čužych intaresaŭ. U pikavy čas alternatyvy nacyjanalnamu adzinstvu niama. Heta azy palityki. Tamu biełarusy majuć ścisnuć zuby i vyjści ščylnymi radami. Nijak inakš», — kaža eks-palitviazień.