Dola biełaruskaha vytvorcy ŭ prodažach novych aŭto dasiahnuła 70%
Śniežań 2025 hoda, tradycyjna samy aktyŭny miesiac dla aŭtarynku, paćvierdziŭ lidarstva ajčynnaha aŭtapramu. Biełaruskimi dylerami realizavana 5,7 tys. novych lehkavych aŭtamabilaŭ, pryviali statystyku ŭ Biełaruskaj aŭtamabilnaj asacyjacyi.
Fota ilustracyjnaje
Niahledziačy na toje, što ahulny abjom prodažaŭ u śniežni 2025 hoda źniziŭsia na 14% u paraŭnańni sa śniežniem 2024 hoda, klučavoj padziejaj staŭ rekordny vynik «BiełDžy».
Zavod realizavaŭ 4069 aŭtamabilaŭ brendaŭ Belgee i Geely, što amal na 50% pieravyšaje pakazčyk listapada 2025 hoda. Rost zabiaśpiečyli pryvabnyja cenavyja prapanovy i lhotnyja prahramy kredytavańnia, adznačyli ŭ BAA.
U vyniku na dolu ajčynnaha vytvorcy ŭ spravazdačnym pieryjadzie pryjšłosia 70% usich prodažaŭ novych lehkavych aŭtamabilaŭ u krainie.
Čytajcie taksama:
Dyrektar «BiełDžy» raskazaŭ, na jakoj mašynie sam jeździć
Ekśpierty papiaredžvajuć pra niebiaśpieku kitajskich aŭto
Zavod «BiełDžy» masava adklikaje niekatoryja svaje aŭtamabili