U PandaDoc novy hienieralny dyrektar
Kampanija PandaDoc abviaściła, što suzasnavalnik i hienieralny dyrektar startapa Mikita Mikada pierajšoŭ na pazicyju dyrektara pa pradukcie. Ciapier jon budzie zajmacca praduktovaj stratehijaj i «darožnymi kartami», ale zastaniecca ŭ radzie dyrektaraŭ, piša Devby.
Kit Rabkin
Sam Mikada patłumačyŭ pierastanoŭku tym, što startap raście. Kaža, što ŭ novaj jakaści jon pryniasie bolš karyści i zmoža vyvieści pradukt na novy ŭzrovień.
Pasadu hienieralnaha dyrektara (SIEO) kampanii ciapier zaniaŭ Kit Rabkin. Jon pryjšoŭ u PandaDoc bolš za 3 hady tamu jak dyrektar pa dachodach, a paźniej staŭ prezidentam. Sa słoŭ Mikity Mikady, Rabkin razumieje klijentaŭ, biznes i kulturu startapa i syhraŭ klučavuju rolu ŭ jaho ŭładkavańni. U novaj roli Rabkin budzie adkazvać za funkcyjanavańnie kampanii, rost i doŭhaterminovuju stratehiju.
Suzasnavalnik Siarhiej Barysiuk zastajecca techničnym dyrektaram PandaDoc.
U 2026 hodzie kampanija rychtuje bujnyja praduktovyja abnaŭleńni z akcentam na aŭtamatyzacyju, štučny intelekt i pracu z dakumientami dla biznesaŭ, što rastuć.
Čytajcie taksama:
Viadomy IT-inviestar patłumačyŭ, čamu ŭ Polščy niama svajho EPAM i čym krutyja Mikada i Mielničak