Jakija darohi buduć ramantavać u hetaj piacihodcy?

U Biełarusi na najbližejšyja piać hadoŭ zaćvierdžanaja dziaržaŭnaja prahrama «Darohi Biełarusi» pa ramoncie i budaŭnictvie aŭtamabilnych daroh. Kolki mahistralaŭ adramantujuć i dzie pabudujuć novyja aŭtadarohi, raskazali ŭ efiry «Pieršaha infarmacyjnaha».

Zdymak ilustracyjny. Fota: «Naša Niva»

U Biełarusi naličvajecca 85 tysiač kiłamietraŭ daroh i 5 tysiač mastoŭ, mnohija ź jakich užo niekalki dziesiacihodździaŭ vykarystoŭvajucca i patrabujuć abnaŭleńnia. Da 2030 hoda płanujecca adramantavać nie mienš za 25 tysiač kiłamietraŭ daroh, što ŭ paŭtara razy bolš, čym za papiarednija piać hadoŭ.

Siarod asnoŭnych abjektaŭ — trasa R-53 (ad Minska praz Smalavičy i Žodzina da Barysava), daroha Minsk —— Viciebsk (ad Pleščanic da Lepiela i Saročyna), a taksama ŭčastki ad Rečycy da Kalinkavič i ad Mahilova da Čavusaŭ.

Na najbolš zahružanych učastkach, asabliva vyjezdach ź Minska, płanujecca ŭkładka cemientabietonnaha pakryćcia. Heta tyčycca daroh R-28 (Minsk — Maładziečna), M-6 (Minsk — Hrodna), R-1 (Minsk — Dziaržynsk) i R-23 (Minsk — Mikaševičy).

Asablivaja ŭvaha budzie nadadziena daroham u ahraharadkach, dzie hravijnaje pakryćcio zamieniać na asfalt. Taksama za piać hadoŭ płanujecca adramantavać nie mienš za 500 mastoŭ — prykładna pa 100 na hod.

Na realizacyju prahramy budzie nakiravana amal 19 miljardaŭ rubloŭ, ź jakich kala 17 miljardaŭ — srodki respublikanskaha biudžetu i kala 2 miljardaŭ — miascovych biudžetaŭ.

Kamientary da artykuła