Alimpijskaja čempijonka Julija Nieściarenka raźviałasia paśla 23 hadoŭ šlubu
Paśla razvodu spartsmienka pierajechała z rodnaha Bresta ŭ stalicu.
Fota: sport5.by
Biełaruskaja biahucha Julija Nieściarenka, jakaja pieramahła na Alimpijskich hulniach-2004 u Afinach u biehu na 100 mietraŭ, niadaŭna raźviałasia.
Z mužam Dźmitryjem jana była ŭ šlubie z 2002 hoda.
Paśla razvodu spartsmienka pierajechała z rodnaha Bresta ŭ stalicu.
«Tak atrymałasia, što majo asabistaje žyćcio karennym čynam źmianiłasia. Ja raźviałasia i vyrašyła: kali mianiać, to mianiać usio kardynalna. Kab nie było mahčymaści viartacca ŭ minułaje, jak heta časam zdarajecca, kali ludzi rasstajucca», — raskazała Nieściarenka «Presbołu».
Były muž paśla patłumačyŭ, što raźvialisia jany ŭ vieraśni 2025 hoda. «Ničoha takoha. Narmalna my rasstalisia. Prosta spakojna razyšlisia», — adkazaŭ jon.
Dźmitryj raskazaŭ, što razvod prapanavała Julija, novaj siamji nichto ź ich pakul nie maje.