U Minskim rajonie žančyna pad vyhladam 50 dalaraŭ mianiała 5

Žycharka Minskaha rajona źviarnułasia ŭ bank, kab abmianiać kupiuru naminałam 50 dalaraŭ ZŠA. Adnak supracoŭnik abmiennaha punkta zasumniavaŭsia ŭ sapraŭdnaści banknoty i paviedamiŭ pra heta ŭ milicyju.

Fota: Dziaržaŭny kamitet sudovych ekśpiertyz

Incydent adbyŭsia ŭ adnym z bankaŭ Minskaha rajona. Padčas pravierki kupiury supracoŭnik zaŭvažyŭ prykmiety starońniaha ŭmiašańnia i adrazu vyklikaŭ milicyju. Hrašovy bilet byŭ kanfiskavany i nakiravany na ekśpiertyzu.

Žančyna rastłumačyła supracoŭnikam Minskaha RUUS, što atrymała hetyja hrošy ad znajomaj, jakaja viartała pazyku, i nie padazravała, što z kupiuraj mohuć być prablemy.

Śpiecyjalisty Dziaržaŭnaha kamiteta sudovych ekśpiertyz vyśvietlili, što pieršapačatkova heta była sapraŭdnaja kupiura, ale naminałam usiaho 5 dalaraŭ ZŠA. Paźniej ža jaje pamianiali tak, kab jana vyhladała jak 50-dołaravaja.

U niekatorych miescach da banknoty byli pryklejenyja frahmienty papiery z vyjavami ličbaŭ, tekstu i partreta prezidenta ZŠA Ulisa Hranta, jakija adpaviadajuć bolš vysokamu naminału. Hetyja elemienty vyrabili pry dapamozie druku na pryntary.

Kamientary da artykuła