Madura prapanoŭvali vyjechać u Turcyju, ale jon nie pahadziŭsia

Vystupajučy na pres-kanfierencyi pierad žurnalistami, amierykanski sienatar ad Respublikanskaj partyi Lindsi Hrem zajaviŭ, što prezident ZŠA Donald Tramp nibyta prapanoŭvaŭ kiraŭniku Vieniesueły Nikałasu Madura vyjechać u Turcyju, ale toj z prapanovy nie skarystaŭsia.

Nikałas Madura sa svaimi siłavikami padčas apošniaj inaŭhuracyi 10 studzienia 2025 hoda. Fota: AP Photo/Ariana Cubillos, File

«Siońnia jon moh by być u Turcyi, ale jon u Ńju-Jorku. Tak što kali vy kažacie ludziam na Kubie, što vam treba pierastać być kamunistyčnaj dyktaturaj, pahražajučy Amierycy, i vam varta źjechać kudy-niebudź jašče, vam lepš pryniać hetuju prapanovu. Madura moža vinavacić tolki siabie.

Jon [Tramp — Red.] daŭ jamu mahčymaść syści. Ale jon vyrašyŭ kinuć vyklik Trampu i amierykanskim vajskoŭcam, i jahonaja zadnica siadzić u turmie, dzie jon i zasłuhoŭvaje być», — zajaviŭ sienatar, viadomy jak adzin z hałoŭnych respublikanskich łabistaŭ ćviordaj pazicyi ZŠA adnosna režymaŭ Pucina i Łukašenki.

Kamientary da artykuła