U Francyi vynieśli prysud pa spravie ab ckavańni Bryžyt Makron
Sud nad dziesiaćciu čałaviekami adbyŭsia ŭ minułym kastryčniku. Prysud vynieśli siońnia.
Bryžyt Makron. Fota: Stephanie Lecocq / Pool via AP
Sud nad dziesiaćciu čałaviekami adbyŭsia ŭ minułym kastryčniku. Jany raspaŭsiudžvali ŭ sacyjalnych sietkach abrazy i falšyvyja źviestki pra pieršuju łedzi, naprykład, što žonka prezidenta Francyi źjaŭlajecca transhiendarnaj žančynaj, paviedamlaje Bfmtv.com
Vosiem abvinavačanych byli asudžanyja na terminy ad čatyroch da vaśmi miesiacaŭ pazbaŭleńnia voli z umoŭnym pakarańniem. Šeść miesiacaŭ realnaha źniavoleńnia było pryznačana adnamu z abvinavačanych za adsutnaść na pasiadžeńni suda.
Siarod asudžanych Areljen Puarson atrymaŭ 8 miesiacaŭ pazbaŭleńnia voli z umoŭnym pakarańniem, a taksama prachodžańnie kursa pa pavyšeńni pavahi da ludziej u sacsietkach. Jaho akaŭnt u sacyjalnych sietkach byŭ prypynieny. Amandzin Rua była asudžana na 6 miesiacaŭ pazbaŭleńnia voli z umoŭnym pakarańniem z takimi ž dadatkovymi mierami.