Rasija dakazvaje, što USU udaryli ŭ Kupiansku pa svaich, ale Z-błohiery pryznajuć, što avijabombami nakryli kinutych rasijan

«Suviaź z chłopcami, na žal, stračanaja».

Fota: Romanov Łajt

Prakramloŭski telehram-kanał Shot raspaŭsiudziŭ infarmacyju pra nibyta avijaŭdary pa centralnaj balnicy ŭ Kupiansku, dzie, pavodle ich paviedamleńniaŭ, chavalisia «najomniki» i vajskoŭcy USU.

U paviedamleńni śćviardžałasia, što častka «najomnikaŭ», jakich kamandavańnie USU nibyta kinuła ŭ haračaje miesca ŭ Kupiansku, sprabavała ŭratavacca ŭ balnicy, dzie budynak byŭ praktyčna źniščany, a «dziasiatki ŭnutry zahinuli».

Adnak Z-vajenkar Ramanaŭ abvierhnuŭ hetyja śćviardžeńni, nazvaŭšy prapahandystaŭ Shot «biespryncypnymi chłuślivymi miarzotnikami». Jon zajaviŭ, što ŭ balnicy chavalisia akružanyja rasijskija vajskoŭcy: budynak sapraŭdy byŭ pad abstrełam apošni tydzień, ale ŭdary nanosilisia pa ich, a nie pa «najomnikach».

Inšy Z-kanał «Pionier zapasa» taksama paviedamiŭ pra masavyja avijaŭdary pa susiednich budynkach i pa centralnaj balnicy na praciahu apošniaha tydnia i paabiacaŭ pakazać adpaviednyja videa. Raniej u hetym kanale byli apublikavanyja fota akružanych rasijskich vajskoŭcaŭ u Kupiansku.

Fota: «Pionier zapasa»

Kanał adznačyŭ, što jany pa-raniejšamu ŭ akružeńni, ale trymajucca, chacia paźniej paviedamili pra stračanuju suviaź ź imi.

Kamientary da artykuła