Pradstaŭnik «Biełpoła» zajaviŭ, što ŭ ich jość detalovyja płany ŭsich rezidencyj Łukašenki
Tak Uładzimir Žyhar adreahavaŭ na infarmacyju, što amierykanski śpiecnaz adpracoŭvaŭ zachop Madury na makiecie-kopii rezidencyi vieniesuelskaha dyktatara.
Alaksandr Łukašenka prymaje rasijskuju prapahandystku ŭ adnoj sa svaich rezidencyj. Skrynšot ź videa
«Kab uziać Maduru, Delta Force pradbačliva pabudavała dakładnuju kopiju jahonaha doma i adpracavała ŭsio da aŭtamatyzmu — kab, nie daj boh, biez nakładak. Spadarstva! Na ŭsialaki vypadak paviedamlajem: usie płany budynkaŭ, čarciažy, schiemy kamunikacyj i inšaja drobiaź u nas, zrazumieła, jość, — napisaŭ u fejsbuku pradstaŭnik inicyjatyvy siłavikoŭ «Biełpoł» Uładzimir Žyhar i pažartavaŭ. — Zaŭsiody radyja dapamahčy. Pracujem biez vychodnych».