Nobieleŭskaja łaŭreatka Maryja Karyna Mačada: My hatovyja ŭziać uładu ŭ Vieniesuele
Nobieleŭskaja łaŭreatka i apazicyjny palityk Vieniesueły Maryja Karyna Mačada źviarnułasia da vieniesuelcaŭ. Svoj zvarot jana apublikavała ŭ sacsietkach.
Maryja Karyna Mačada. Fota: Jesus Vargas/Getty Images
«My zmahalisia hadami, my addali ŭsio, i heta taho varta było. Toje, što pavinna było zdarycca, adbyvajecca».
«Heta čas hramadzian», — kaža Mačada. Jana dadaje, što Edmunda Hansalesa Urucija, jaki ŭdzielničaŭ u vybarach 2024 hoda ad apazicyi, pavinien nieadkładna pryniać svoj kanstytucyjny mandat i być pryznanym Hałoŭnakamandujučym Nacyjanalnych uzbrojenych sił.
«Siońnia my hatovyja paćvierdzić naš mandat i ŭziać uładu».
Mačada źviarnułasia da vieniesuelcaŭ.
«Vieniesuelcy, jakija znachodziacca ŭnutry krainy: budźcie hatovyja vykanać toje, pra što my vielmi chutka paviedamim vam praz našy aficyjnyja kanały.
Vieniesuelcy, jakija znachodziacca za miažoj: vy patrebnyja nam mabilizavanymi, kab aktyvizavać urady i hramadzian śvietu i ŭžo zaraz dałučyć ich da vialikaj apieracyi pa budaŭnictvie novaj Vieniesueły».
«VIENIESUEŁA BUDZIE VOLNAJ! Idziom ruka ab ruku z Boham da samaha kanca», — skončyła palityk svoj zvarot.
Čytajcie taksama:
Što budzie ŭ Vieniesuele dalej? Try scenaryi
Paryk, hrym i rybackaja łodka: jak nobieleŭskaja łaŭreatka tajemna źbiehła ź Vieniesueły ŭ Osła
Vieniesuelskaja łaŭreatka Nobieleŭskaj premii miru pryśviaciła jaje svajmu narodu i Donaldu Trampu