Нобелеўская лаўрэатка Марыя Карына Мачада: Мы гатовыя ўзяць уладу ў Венесуэле
Нобелеўская лаўрэатка і апазіцыйны палітык Венесуэлы Марыя Карына Мачада звярнулася да венесуэльцаў. Свой зварот яна апублікавала ў сацсетках.
Марыя Карына Мачада. Фота: Jesus Vargas/Getty Images
«Мы змагаліся гадамі, мы аддалі ўсё, і гэта таго варта было. Тое, што павінна было здарыцца, адбываецца».
«Гэта час грамадзян», — кажа Мачада. Яна дадае, што Эдмунда Гансалеса Уруція, які ўдзельнічаў у выбарах 2024 года ад апазіцыі, павінен неадкладна прыняць свой канстытуцыйны мандат і быць прызнаным Галоўнакамандуючым Нацыянальных узброеных сіл.
«Сёння мы гатовыя пацвердзіць наш мандат і ўзяць уладу».
Мачада звярнулася да венесуэльцаў.
«Венесуэльцы, якія знаходзяцца ўнутры краіны: будзьце гатовыя выканаць тое, пра што мы вельмі хутка паведамім вам праз нашы афіцыйныя каналы.
Венесуэльцы, якія знаходзяцца за мяжой: вы патрэбныя нам мабілізаванымі, каб актывізаваць урады і грамадзян свету і ўжо зараз далучыць іх да вялікай аперацыі па будаўніцтве новай Венесуэлы».
«ВЕНЕСУЭЛА БУДЗЕ ВОЛЬНАЙ! Ідзём рука аб руку з Богам да самага канца», — скончыла палітык свой зварот.
Чытайце таксама:
Што будзе ў Венесуэле далей? Тры сцэнарыі
Парык, грым і рыбацкая лодка: як нобелеўская лаўрэатка таемна збегла з Венесуэлы ў Осла
Венесуэльская лаўрэатка Нобелеўскай прэміі міру прысвяціла яе свайму народу і Дональду Трампу