Stryžak zapuskaje novuju dabračynnuju inicyjatyvu
Pa sutnaści, heta toje samaje, što i «Bajsoł» — zbory biełarusam, jakija trapili ŭ biadu.
Andrej Stryžak
Pravaabaronca Andrej Stryžak abviaściŭ ab stvareńni novaj inicyjatyvy dapamohi Belaid.
«Belaid — našaja biełaruskaja dapamoha adno adnamu, biez abmiežavańniaŭ i doŭhaj biurakratyi», — piša jon.
Stryžak choča stvaryć «dabračynnuju płatformu ŭzajemapadtrymki, jakoj možna budzie karystacca ŭsim, chto ličyć siabie biełarusam» — jak unutry krainy, tak i pa-za jaje miežami.
Na ciapierašnim etapie jon źbiraje kamandu i hrošy:
«Tvoj danat pojdzie na raspracoŭku apłatnaj płatformy i sajta, vydatki na administravańnie sistemy. Ja pačynaju novuju spravu bieź finansavańnia i kamandy, ale ž z razumieńniem što ja budu rabić, kali i jak. A heta hałoŭnaje dla startu».
Andrej Stryžak pakinuŭ «Bajsoł» u vieraśni 2025 hoda paśla skandału ź dzikpikami.
40‑hadovy Andrej Stryžak zajmaŭsia pravaabarončaj dziejnaściu z 2007 hoda. Siarod jahonych zasłuh — arhanizacyja humanitarnaj dapamohi paciarpiełym ad vajny na Danbasie. Jon byŭ arhanizataram kampanii ByCovid19 i inicyjatyvy BY_help, a paśla suzasnavalnikam Fondu salidarnaści BYSOL, dapamoha jakich dajšła da tysiač ludziej.