U napoi Aloe Vera vyjavili niebiaśpiečnyja chimičnyja rečyvy
Ministerstva achovy zdaroŭja Biełarusi papiaredziła ab niebiaśpiečnym pradukcie.
Havorka idzie pra niehazavany napoj Aloe Vera, vyrableny rasijskim pradpryjemstvam TAA «Vielta-Pienza». Pavodle infarmacyi Rasspažyŭnahladu, ŭ partyi pradukcyi była vyjaŭlena techničnaja vadkaść.
Łabaratornyja daśledavańni paćvierdzili najaŭnaść niebiaśpiečnych latučych arhaničnych złučeńniaŭ u piaci ŭzorach napoju i ŭ probie kancentratu.
Rasśledavańnie praciahvajecca, a dziejnaść zavoda-vytvorcy prypynienaja.
Słužby sanitarna-epidemijałahičnaha nahladu ŭ Biełarusi ŭžo pravodziać pravierki i kanfiskujuć niebiaśpiečny napoj z prodažu.
Ministerstva achovy zdaroŭja nastojliva zaklikaje nieadkładna ŭstrymacca ad užyvańnia hetaha napoju. Kali vy ŭbačyli hety pradukt u kramie, paviedamicie pra heta ŭ miascovuju ŭstanovu dziaržaŭnaha sanitarnaha nahladu.