Rabaŭnik sam paprasiŭ vyklikać milicyju ŭ Barysaŭskim rajonie
Biaspłatnuju pakupku pasprabavaŭ ździejśnić 51‑hadovy žychar vioski Ikany Barysaŭskaha rajona.
Fota: Lookby.media
Znachodziačysia ŭ stanie ałkaholnaha apjanieńnia, mužčyna pryjšoŭ u miascovuju kramu, dzie zapatrabavaŭ ad pradaŭščycy addać jamu butelku harełki, cyharety i chleb. Jon zajaviŭ, što heta rabavańnie. Pry hetym jon sam nastajaŭ, kab žančyna vyklikała milicyju, paviedamlaje «Milicyja Minščyny».
Spałochanaja rabotnica handlovaha abjekta nieadkładna paviedamiła pra zdareńnie ŭ apieratyŭna-dziažurnuju słužbu.
Sam ža fihurant, čakajučy pryjezdu milicyi, sieŭ na prystupkach kramy i pačaŭ raśpivać ałkahol. Tam jaho i zatrymali.