Na aŭkcyjonie za rekordnuju sumu pradali parvanuju futbołku Maradony
Na aŭkcyjonie Matchday Football pradali parvanuju futbołku lehiendarnaha arhiencinskaha napadnika Dyjeha Maradony za rekordnuju sumu — 179 tysiač dalaraŭ. Pieršapačatkovy košt łota składaŭ 145 tysiač dalaraŭ, ale z ulikam kamisii kančatkovaja suma ŭzrasła jašče na 34 tysiačy.
Murał z vyjavaj Dyjeha Maradony ŭ Buenas-Ajresie. Fota: AP Photo/Rodrigo Abd
Futbołka stała samaj darahoj siarod kłubnych majek Maradony, pradadzienych na aŭkcyjonie. U joj lehiendarny futbalist hulaŭ u finale Kubka Ispanii 1984 hoda za «Barsiełonu» suprać «Atletyka» ź Bilbaa (0:1). Paśla matču vybuchnuła bojka, u vyniku jakoha futbołku Maradony parvali.
Zachavać jaje ŭdałosia dziakujučy supracoŭnicy pralni katałonskaha kłuba, jakaja zabrała papsavanuju formu sabie jak suvienir. Paźniej jana padaryła futbołku siabroŭcy, a potym taja pierajšła ŭ spadčynu da jaje syna.
U siamji futbołka zachoŭvałasia 30 hadoŭ, pakul spadčyńnik nie pieradaŭ jaje aŭkcyjonnamu domu.
Čytajcie taksama:
Maradona padčas svajho vizitu ŭ Biełaruś nie zachacieŭ sustrakacca z Rumasam
U Buenas-Ajresie razahnali akcyju piensijanieraŭ i fanataŭ Maradony
Daktaroŭ, što lačyli Maradonu pierad śmierciu, buduć sudzić. Im pahražaje da 25 hadoŭ turmy