Za hod u Biełaruś možna budzie ŭvieźci 20 tysiač «ilhotnych» elektramabilaŭ
Novyja praviły zapracujuć z 22 studzienia 2026 hoda — i pakul u Biełaruś nie ŭviazuć 20‑tysiačny elektramabil.
Jeŭrazijskaja ekanamičnaja kamisija damoviłasia ab kolkaści aŭtamabilaŭ, jakija možna ŭvozić u roznyja krainy biez apłaty mytnych pošlin.
Žycharam Biełarusi dazvalajecca ŭvieźci ŭ 2026 hodzie 20 tysiač «čystych elektryčak» (kod 8703 80 000 3 TN ZED JEAES).
Žycharam Armienii i Kyrhyzstana — pa 15 tysiač «čystych elektryčak» i «paśladoŭnych hibrydaŭ» (kod 8703 80 000 5 TN ZED JEAES).
Lhota pracuje tolki dla hramadzian, jakija pastajanna žyvuć u Biełarusi, Armienii i Kyrhyzstanie. Pradavać hetyja mašyny hramadzianam Rasii i Kazachstana nielha.
Lhota pačnie dziejničać 22 studzienia 2026 hoda — i budzie aktualnaj da taho času, pakul nie budzie vybrana ŭsia kvota.