U Rasii zatrymali 70 čałaviek, jakija malilisia za zdaroŭje Zialenskaha
Jany byli prychadžanami «Škoły adzinaha pryncypu».
Uviečary 26 śniežnia ŭ Pieciarburhu zatrymali 70 prychadžan «Škoły adzinaha pryncypu». Jaje ŭdzielniki malilisia za Uzbrojenyja siły Ukrainy i za zdaroŭje Uładzimira Zialenskaha, prasili Boha abaranić ukrainskija vobłaści ad udaraŭ i ŭbierahčy rasijan ad mabilizacyi.
Zatrymanych adpuścili, pravodzicca pravierka. Usim im pahražaje kryminalnaja sprava za «vajennyja fejki».
U kiraŭnictva škoły ŭvachodziać vykładčyki VNU i škoł, u tym liku prafiesarka Pieciarburhskaj akademii postdypłomnaj piedahahičnaj adukacyi Volha Daŭtava. Jaje zatrymali 10 śniežnia 2025-ha.
Na sajcie «Škoły adzinaha pryncypu» paznačana, što tam «raskryvajucca ŭ sučasnaj vobraznaj sistemie miechanizmy taho, što adbyvajecca ŭ śviecie, i dajucca mietodyki dla ŭnutranaha duchoŭnaha staleńnia». Zasnavalnicaj źjaŭlajecca Volha Asaŭlak, — «mistyk, paetesa, čałaviek, jaki pryvioŭ da ŭśviadomlenaj viery dziasiatki tysiač ludziej».