Zialenski dapuściŭ, što Tramp moža pryjechać va Ukrainu dla padtrymki płana mirnaha pahadnieńnia
Prezident Ukrainy Uładzimir Zialenski dapuściŭ mahčymaść vizitu Donalda Trampa ŭ Kijeŭ. U ekskluziŭnym intervju vydańniu Axios jon adznačyŭ, što amierykanski lidar moh by asabista raskazać pra detali mirnaha pahadnieńnia ŭkrainskamu narodu pierad mahčymym refierendumam.
Donald Tramp. Fota: AP Photo / Alex Brandon
Zialenski paćvierdziŭ, što daradcy Trampa — Styŭ Uitkaf i Džared Kušnier — užo hatovyja naviedać Ukrainu. Adnak jon vykazaŭ dumku, što vizit samoha prezidenta ZŠA byŭ by najlepšym sposabam pierakanać hramadstva ŭ nadziejnaści damoŭlenaściaŭ.
Zialenski papiaredziŭ: kali taki vizit ci ahitacyja pierad refierendumam buduć prachodzić pad ahniom, jany nie buduć mieć pośpiechu. «Ludzi buduć bačyć nie abiacańni, a rakiety», — padkreśliŭ jon, namahajučy na abaviazkovym spynieńni ahniu minimum na 60 dzion.
Mahčyma, pytańnie vizitu Trampa ŭ Kijeŭ stanie adnoj z tem abmierkavańnia na ich sustrečy ŭ rezidencyi Mar-a-Łaha ŭ niadzielu, 28 śniežnia.