Z 22 studzienia ŭ Biełaruś možna budzie biaspošlinna ŭvozić elektramabili
Rašeńnie Savieta Jeŭrazijskaj ekanamičnaj kamisii ab pradastaŭleńni taryfnaj lhoty ŭ vyhladzie vyzvaleńnia ad vypłaty mytnaj pošliny ŭ dačynieńni da elektramabilaŭ, jakija ŭvoziacca ŭ Biełaruś, Armieniju i Kyrhyzstan, nabudzie moc z 22 studzienia, piša BiełTA.
Z hetaj ža daty ŭstupajuć u siłu akty JEEK ab uniasieńni źmianieńniaŭ u tavarnuju namienkłaturu źniešnieekanamičnaj dziejnaści Jeŭrazijskaha ekanamičnaha sajuza (JEAES) u dačynieńni da asobnych vidaŭ transpartnych srodkaŭ.
Vyzvaleńnie ad vypłaty mytnych pošlin dajecca tolki hramadzianam, jakija stała žyvuć u Respublicy Armienija, Respublicy Biełaruś i Kyrhyzskaj Respublicy. Pry hetym nie dapuskajecca pieradača pravoŭ vałodańnia, karystańnia i rasparadžeńnia elektramabilami asobam, jakija majuć hramadzianstva i (abo) pastajannaje miesca žycharstva ŭ Rasii i Kazachstanie.