Vyniesieny prysud načalnicy z Aršanskaj sanstancyi za chabary. Jana davała stanoŭčyja zaklučeńni pa praduktovych kramach, dzie było brudna
Staŭ viadomy prysud zahadčycy adździaleńnia hihijeny charčavańnia ŭ Oršy Taćcianie Charytonavaj.
Nie nazyvajučy imia, pres-słužba abłasnoha suda paviedamiła, što žančynie pastavili ŭ vinu dva vypadki atrymańnia chabaru, zaŭvažyŭ kanał «Vitiebsk, ja hulaju!»
U adnym vypadku za sumu kala 900 rubloŭ jana vydavała stanoŭčyja sanzaklučeńni pa praduktovych kramach. Pry hetym u kramach było brudna, a pradukty zachoŭvalisia z parušeńniami. U druhim — za chabar dała dazvoł piakarni, jakaja adkryvałasia biez vodazabieśpiačeńnia i kanalizacyi.
Žančynie prysudzili 4 hady pazbaŭleńnia voli, dali 5‑hadovuju zabaronu na kirujučyja pasady i štraf u 350 bazavych vieličyń. Abskardžańnie ŭ abłasnym sudzie nie dapamahło.
Ci atrymała žančyna adterminoŭku, nie paviedamlajecca.