Pavieł Duraŭ prapanavaŭ apłačvać EKA niezamužnim žančynam, jakija chočuć zaciažaryć ad jaho

Pavieł Duraŭ vystupiŭ ź inicyjatyvaj apłačvać praceduru EKA dla niezamužnich žančyn, jakija chočuć zaciažaryć ad jaho. Prahrama realizujecca razam z adnoj z maskoŭskich klinik i praduhledžvaje šerah umoŭ: u pryvatnaści, na momant apładnieńnia žančynie pavinna być nie bolš za 37 hadoŭ. Jak śćviardžaje byłaja supracoŭnica kliniki, udzieł u prahramie mahčymy vyklučna dla niezamužnich.

Fota: Monica Schipper Getty Images for amfAR

Zasnavalnik Telegram zajaŭlaje, što dziakujučy donarstvu śpiermy jon užo staŭ baćkam bolš jak sta dziaciej, a taksama maje šeść dziaciej ad troch žančyn. Sam Duraŭ nazyvaje heta svaim «hramadzianskim abaviazkam» — jon ličyć, što takim čynam dapamahaje vyrašać prablemu niedachopu «jakasnaha donarskaha materyjału» i źnižaje niehatyŭnaje staŭleńnie da idei donarstva śpiermy.

Biznesmien taksama źviazvaje źnižeńnie kolkaści śpiermatazoidaŭ u śviecie z ekałahičnymi prablemami, u tym liku z zabrudžvańniem płastykam, i adznačaje, što hanarycca svaim układam u baraćbu z hetaj tendencyjaj.

Pavodle acenak vydańnia Forbes, kapitał Durava składaje kala 17 miljardaŭ dalaraŭ, choć značnaja častka hetaj sumy źviazanaja z koštam Telegram. Sam jon raniej zajaŭlaŭ, što płanuje pieradać kampaniju niekamiercyjnamu fondu. Akramia taho, Duraŭ vałodaje nieviadomaj kolkaściu bitkojnaŭ, jakija, ź jaho słoŭ, nabyŭ jašče ŭ 2013 hodzie.

Kamientary da artykuła