U Minsku zatrymali mužčynu, jaki całkam hoły vylez z kanalizacyi na vačach u minakoŭ
Niezvyčajnaje zdareńnie adbyłosia ŭ Zavodskim rajonie stalicy. Na liniju «102» pazvaniŭ minak. Šakavany vidavočca paviedamiŭ milicyi, što na jaho vačach z kanalizacyjnaha luka na pavierchniu vybraŭsia absalutna hoły mužčyna.
Jak piša kanał siłavikoŭ, 42‑hadovy minčuk pravodziŭ čas u kampanii pryjacielaŭ, dzie nie abyšłosia bieź śpirtnoha. U niejki momant siabry vyrašyli pabilisia ab zakład: chto prajhraje, musić spuścicca ŭ kanalizacyjny kałodziež.
Mužčyna akazaŭsia tym samym niaŭdačlivym hulcom. Kab nie vypackać adzieńnie, jon raspranuŭsia dahała i tady vykanaŭ kvest.
Za vychadku ŭ hramadskim miescy ŭ dačynieńni da mužčyny zaviedziena kryminalnaja sprava za «chulihanstva».