Fly Dubai anulavała ŭsie rejsy z vyletam i viartańniem u Minsk z 24 śniežnia pa 8 studzienia
Avijakampanija Fly Dubai ŭ adnabakovym paradku anulavała ŭsie rejsy z vyletam i viartańniem ź Minska z 24 śniežnia pa 8 studzienia ŭklučna. Heta siurpryz pad Novy hod turystam, jakija zahadzia zabraniravali hateli i apłacili tury ŭ AAE, piša tio.by.
Zamiest admienienych rejsaŭ ź Minska niekatoryja turapieratary častku pasažyraŭ pierasadzili na rejsy avijakampanii «Biełavija», a inšym prapanavali alternatyvu: pieraloty z Maskvy z arhanizacyjaj tranśfieru da aeraporta i nazad. Pa inšych turapieratarach pakul infarmacyi niama.
Ciapier pierabraniravać na inšyja rejsy i daty amal niemahčyma — miescaŭ na rejsach i ŭ hatelach praktyčna niama.
Pa hetym maršrucie latajuć avijakampanii «Biełavija» i Fly Dubai. Mnohija biełarusy vybirali rejsy Fly Dubai mienavita z-za zručnaha raskładu.
Heta ŭžo nie pieršy vypadak rezkaj admieny rejsaŭ Fly Dubai ź Minska. U červieni 2025 hoda avijakampanija taksama admianiła rejsy ŭ Dubaj na fonie abvastreńnia situacyi ŭ rehijonie (vajennyja dziejańni ŭ Iranie i Izraili).
Ciapier pryčynu admieny rejsaŭ nichto nie nazyvaje. Jość viersija, što pieravozčyk z-za nizkaj zahruzki abjadnaŭ rejsy ź Minska i Maskvy.