U ZŠA pačnuć budavać vajskovyja karabli kłasa «Tramp»
Prezident ZŠA Donald Tramp zajaviŭ pra namier ZŠA pabudavać dva bajavyja karabli novaha kłasa, jaki atrymaje nazvu «Tramp». Pa jaho słovach, heta buduć samyja vialikija vajskovyja karabli za ŭsiu historyju.
Fota: AP Photo/Alex Brandon
Donald Tramp paviedamiŭ, što novyja linkory płanujecca zabiaśpiečyć hipierhukavoj zbrojaj, elektramahnitnymi harmatami i mahutnymi łaziernymi sistemami. Budaŭnictva pieršaha karabla, jaki atrymaje nazvu USS Defiant («Niepakorny»), zapłanavana na pačatak 2030‑ch hadoŭ. Pakul jon znachodzicca na etapie raspracoŭki prajekta.
Pavodle płanaŭ, Vajskova-marskija siły ZŠA chočuć stvaryć tak zvany «załaty fłot», jaki ŭ pierśpiektyvie budzie naličvać ad 20 da 25 takich karabloŭ.
Padčas pres-kanfierencyi pobač z Trampam znachodzilisia dziaržaŭny sakratar Marka Rubia, ministr abarony Pit Chiehsiet i ministr VMS ZŠA Džon Fiełan. Apošni acharaktaryzavaŭ budučy linkor kłasa «Tramp» jak samy vialiki, samy śmiarotna niebiaśpiečny, najbolš univiersalny i pry hetym samy pryhožy vajskovy karabiel u śviecie.
Čytajcie taksama:
Tramp paraiŭ Nikałasu Maduru razumna syści
Tramp raskazaŭ, navošta jamu Hrenłandyja
Pamiž Uitkafam i Rubia idzie niepubličnaje supiernictva adnosna farmatu mirnaha płana pa Ukrainie
Bieły dom: Myty Trampa prynieśli ZŠA 235 miljardaŭ dalaraŭ
Hubiernatar Łuizijany pryznačany śpiecpasłańnikam pa Hrenłandyi