Siońnia pačniecca prodaž biletaŭ na Viva Braslav 2026
U 2026 hodzie najbujniejšy oŭpen-ejr Biełarusi projdzie z 24 da 26 lipienia ŭ niaźmiennaj łakacyi — na bierazie voziera Dryviaty ŭ Brasłavie.
Arhanizatary Viva Braslav pakul trymajuć intryhu nakont chiedłajnieraŭ i artystaŭ, zatoje pieršyja bilety na hałoŭny fiestyval leta možna budzie nabyć užo z 22 śniežnia. Zastałosia tolki dačakacca viečara.
Siońnia bilety na dva dni katehoryj «Standart 2 dni» i «VIP 2 dni» buduć u prodažy na sajcie fiestyvalu, pačynajučy z 19:00, piša Onliner.by.
Dla pieršaj partyi biletaŭ arhanizatary abiacajuć nizkija ceny, a dla samych sprytnych — mahčymaść stać uładalnikami kalekcyjnaj viersii.