Hubiernatar Łuizijany pryznačany śpiecpasłańnikam pa Hrenłandyi
Donald Tramp pryznačyŭ hubiernatara štata Łuizijana Džefa Łendry śpiecpasłańnikam pa Hrenłandyi
Fota: Win McNamee / Getty Images
Prezident ZŠA pryznačyŭ hubiernatara štata Łuizijana Džefa Łendry śpiecyjalnym pasłańnikam u spravach Hrenłandyi. Pra heta kiraŭnik Biełaha doma paviedamiŭ u svajoj sacyjalnaj sietcy Truth Social.
Sam Łendry adznačyŭ, što «zrabić Hrenłandyju častkaj ZŠA» — vialiki honar dla jaho.
Čamu Tramp pryznačyŭ na hetuju pasadu mienavita 54‑hadovaha respublikanca, jaki staŭ hubiernataram Łuizijany ŭ 2024 hodzie, u Biełym domie nie patłumačyli.
Administracyjnyja centry Łuizijany, jakaja źjaŭlajecca amal samym paŭdniovym macierykovym štatam, i Hrenłandyi padzialaje kala 4600 km pa pavietry, adnak hubiernatary hieahrafična bližejšych paŭnočnych štataŭ — pieravažna pradstaŭniki Demakratyčnaj partyi.
Tradycyjna Bieły dom pryznačaje śpiecpasłańnikaŭ padčas mižnarodnych kryzisaŭ i składanych pieramoŭ, piša Deutsche Welle.
Raniej dackija ŚMI paviedamlali, što administracyja ZŠA sprabuje naładzić pramyja kantakty z uładami Hrenłandyi ŭ abychod urada Danii i pravodzić na vostravie «schavanyja apieracyi ŭpłyvu»
Ułady Danii nazyvajuć usie sproby zamiežnaha ŭmiašańnia ŭ dačynieńni pamiž Kapienhahienam i Hrenłandyjaj niedapuščalnymi. Pakul jany nie kamientavali pryznačeńnie Džefa Łendry na pasadu śpiecpasłańnika ZŠA ŭ spravach Hrenłandyi.