Pjany žychar Bresta «pierabłytaŭ» tralejbus z prybiralniaj
U Breście milicyja zatrymała 57‑hadovaha mužčynu, jaki spraviŭ patrebu prosta ŭ sałonie tralejbusa. Videa ź incydentam trapiła ŭ internet.
Pravaachoŭniki ŭstanavili asobu parušalnika. Mužčyna patłumačyŭ, što jechaŭ ad siabra paśla zastolla i byŭ mocna pjany. Kali jon adčuŭ «patrebu», to vyrašyŭ nie čakać prypynku.
Ź im zapisali «pakajannaje» videa. «Jak hramadzianin Bresta i našaj Biełarusi» jon paprasiŭ prabačeńnia ŭ haradžan, tralejbusnaha parka administracyi horada za svoj učynak, paabiacaŭ «u žyćci tak bolš nie rabić».
Zaraz mužčyna znachodzicca ŭ izalatary časovaha ŭtrymańnia. Razhladajecca pytańnie ab raspačynańni kryminalnaj spravy za chulihanstva.