Łukašenka znoŭ lacić u Rasiju
21—22 śniežnia Alaksandr Łukašenka budzie znachodzicca z rabočym vizitam u Sankt-Pieciarburhu. Metami pajezdki źjaŭlajecca ŭdzieł u pasiadžeńniach vyšejšych orhanaŭ Jeŭrazijskaha ekanamičnaha sajuza i Sadružnaści Niezaležnych Dziaržaŭ. Taksama adbudziecca sustreča z Pucinym.
Alaksandr Łukašenka i Uładzimir Pucin, 26 vieraśnia 2025. Fota: Ramil Sitdikov Pool Photo via AP
Siońnia, 21 śniežnia, Łukašenka biare ŭdzieł u pasiadžeńni Vyšejšaha Jeŭrazijskaha ekanamičnaha savieta. Siarod klučavych tem, paviedamlaje jaho pres-słužba, — farmavańnie ahulnych rynkaŭ nafty i naftapraduktaŭ, vyznačeńnie pryjarytetaŭ mižnarodnaj dziejnaści na nastupny hod, a taksama raźvićcio handlovaha supracoŭnictva z vonkavymi partniorami sajuza.
Zaŭtra, 22 śniežnia, projdzie sustreča lidaraŭ krain SND. Na joj padviaduć vyniki hoda i abmiarkujuć pierśpiektyvy dalejšaj intehracyi ŭ rehijonie.
Samity prachodziać u Sankt-Pieciarburhu.
Akramia ahulnych pasiadžeńniaŭ, zapłanavana dvuchbakovaja sustreča z Uładzimiram Pucinym.