Лукашэнка зноў ляціць у Расію
21—22 снежня Аляксандр Лукашэнка будзе знаходзіцца з рабочым візітам у Санкт-Пецярбургу. Мэтамі паездкі з’яўляецца ўдзел у пасяджэннях вышэйшых органаў Еўразійскага эканамічнага саюза і Садружнасці Незалежных Дзяржаў. Таксама адбудзецца сустрэча з Пуціным.
Аляксандр Лукашэнка і Уладзімір Пуцін, 26 верасня 2025. Фота: Ramil Sitdikov Pool Photo via AP
Сёння, 21 снежня, Лукашэнка бярэ ўдзел у пасяджэнні Вышэйшага Еўразійскага эканамічнага савета. Сярод ключавых тэм, паведамляе яго прэс-служба, — фармаванне агульных рынкаў нафты і нафтапрадуктаў, вызначэнне прыярытэтаў міжнароднай дзейнасці на наступны год, а таксама развіццё гандлёвага супрацоўніцтва з вонкавымі партнёрамі саюза.
Заўтра, 22 снежня, пройдзе сустрэча лідараў краін СНД. На ёй падвядуць вынікі года і абмяркуюць перспектывы далейшай інтэграцыі ў рэгіёне.
Саміты праходзяць у Санкт-Пецярбургу.
Акрамя агульных пасяджэнняў, запланавана двухбаковая сустрэча з Уладзімірам Пуціным.