Ministr justycyi Litvy: Kali Biełaruś kanfiskuje hruzaviki, Vilni daviadziecca pryniać miery ŭ adkaz
Ministr justycyi Ryta Tamašunienie zajaviła, što kali Biełaruś kanfiskuje hruzaviki litoŭskich pieravozčykaŭ, jakija znachodziacca na jaje terytoryi, Litva budzie vymušana pryniać miery ŭ adkaz.
«Kanfiskacyja majomaści — heta vielmi balučaje pytańnie dla litoŭcaŭ, i realizavać padobnyja miery nie tak prosta, bo my adrazu ž apynulisia b u sudach. Adnak kali ŭ Biełarusi adbudziecca kanfiskacyja hetych hruzavikoŭ, my biezumoŭna pavinny budziem pryniać miery ŭ adkaz. I, biezumoŭna, zrabić anałahičnyja kroki», — zajaviła ministr u efiry radyjostancyi Žinių radijas u čaćvier.
Pavodle jaje słoŭ, dla realizacyi takich krokaŭ nieabchodna pryniać novy zakon.
Jana taksama adznačyła, što ŭ ciapierašni čas adsutničaje mahčymaść vyrašyć prablemu dypłamatyčnym šlacham abo palepšyć adnosiny ź Biełaruśsiu.