Babaryka paśla sustrečy z Pratasievičam trapiŭ u ŠIZA
Na pres-kanfierencyi paśla vyzvaleńnia Viktar Babaryka adkazaŭ na pytańnie «Lusterka» pra sustreču z Ramanam Pratasievičam, jakaja adbyłasia ŭ kałonii ŭ studzieńni 2025 hoda. Eks-bankir raskazaŭ, što praź jaje jon apynuŭsia ŭ štrafnym izalatary.
Viktar Babaryka i Raman Pratasievič, mierkavana, u studzieni 2025 hoda ŭ Navapołacku
«Paśla sustrečy z Ramanam Pratasievičam ja pajechaŭ, jak kažuć zeki, na kiču, heta značyć u štrafny izalatar. Tamu što adkaz na toje pytańnie, jakoje jon mnie zadaŭ, byŭ niapravilny. Tamu ja pajechaŭ na bolš jak dva tydni ŭ ŠIZA z pamiaškańnia kamiernaha typu. Heta minus», — adznačyŭ Babaryka.
Adnak, sa słoŭ eks-bankira, u hetaj sustrečy byŭ i plus.
«Za try hady mianie pazbavili ŭsiaho. Mnie ničoha niemahčyma było pieradać, akramia adnoj banderoli na dva kiłahramy. Praz paŭhoda paśla sustrečy z Ramanam ja atrymaŭ dva kiłahramy kavy. Za heta im vielmi vialiki dziakuj», — padzialiŭsia Viktar Babaryka.
8 studzienia 2025 hoda ŭ telehram-kanale Ramana Pratasieviča źjavilisia fota i videa sustrečy z palitźniavolenym Viktaram Babarykam u navapołackaj kałonii №1.