Zialenski: Biełaruś addała Ukrainie jašče piać asudžanych ukraincaŭ
Siarod palitviaźniaŭ, vyzvalenych siońnia ŭ Biełarusi, jość piaciora hramadzian Ukrainy. Pra heta paviedamiŭ prezident Ukrainy Uładzimir Zialenski.
Uładzimir Zialenski: Jonathan Raa NurPhoto via Getty Images
Pa słovach Zialenskaha, kiraŭnik Hałoŭnaha ŭpraŭleńnia raźviedki Kiryła Budanaŭ dałažyŭ pra padrabiaznaści padrychtoŭki śpiecyjalnaj apieracyi pa vyzvaleńni cyvilnych asob, jakija ŭtrymlivalisia ŭ Biełarusi.
«Dziakujučy aktyŭnaj roli Złučanych Štataŭ i supracoŭnictvu našych raźviedak ciapier viartajucca na volu kala sotni čałaviek, u tym liku piaciora ŭkraincaŭ. Dapamahajem našym amierykanskim partnioram i adpaviednuju dapamohu atrymlivaje Ukraina. Pry nieabchodnaści pryciahvajucca śpiecyjalnyja słužby našych susiedziaŭ u Jeŭropie», — napisaŭ Zialenski.
Taksama jon zajaviŭ, što daručyŭ HUR i inšym słužbam maksimalna ŭzmacnić pracu na rasijskim napramku, kab da Novaha hoda stała mahčymym vyzvaleńnie ŭkrainskich vajennapałonnych.
Raniej pres-słužba Alaksandra Łukašenki paviedamiła pra vyzvaleńnie 123 čałaviek.
Čytajcie taksama:
Łukašenka pamiłavaŭ 123 źniavolenych
Na voli Maryja Kaleśnikava. Vyzvaleny 123 palitviaźni
Stali viadomyja imiony jašče piaci ŭkraincaŭ, vyzvalenych 22 listapada