Ukraincy kontratakavali pad Kupianskam, rasijskija vojski trapili ŭ akružeńnie
U vyniku paśpiachovaj apieracyi ŭkrainskich Sił abarony praciŭnik byŭ zabłakavany ŭ Kupiansku i začyščanaja ŭsia paŭnočna-zachodniaja ŭskraina horada, paviedamlajuć ukrainskija resursy.
Apieracyja pačałasia sa stvareńnia rubiaža błakavańnia i adrazańnia harnizona praciŭnika ŭ horadzie ad asnoŭnych sił. USU ŭ vyniku bliskavičnaj apieracyi zaniali Radźkoŭku i Kandrašoŭku, a taksama ŭziali pad ahniavy kantrol Hałuboŭku. Paśla hetaha adbyłasia začystka Mirnaha (savieckaja nazva — Maskoŭka) i paŭnočna-zachodnich uskrain samoha Kupianska.
Ciapier pad kantrolem rasijan zastajucca tolki para ankłavaŭ u centralnaj častcy horada, tam zastajecca kala 200 rasijskich vajskoŭcaŭ, paviedamiła pres-słužba 2‑ho korpusa NHU «Chartyja».