Minsielhascharč prapanuje zabaranić ekrany dla rybakoŭ
U Biełarusi mohuć zabaranić vykarystańnie ekranaŭ dla rybałoŭstva. Pra heta paviedamiła pres-słužba Ministerstva sielskaj haspadarki i charčavańnia.
Fota ilustracyjnaje
Viedamstva prapanuje abmierkavać prajekt ukaza, pryśviečanaha arhanizacyi rybałoŭstva i viadzieńniu rybałoŭnaha haspadarstva. Meta źmien — zrabić rybałku bolš zrazumiełaj, ekałahičnaj i zručnaj.
Siarod prapanavanych mier — aptymizacyja administracyjnych pracedur, pavyšeńnie pravavoj peŭnaści dla ŭsich udzielnikaŭ (ad amataraŭ da haspadarak), a taksama spraščeńnie niekatorych pravił rybałoŭstva.
Akramia taho, u chodzie abmierkavańnia prapanujecca vykazać mierkavańni pa troch pytańniach:
- admiena ekran-televizaraŭ dla rybakoŭ;
- uviadzieńnie adnaho ahulnaha rybałoŭnaha bileta;
- ustanaŭleńnie normaŭ ułovu na adnaho rybaka ŭ sutki dla peŭnych vidaŭ ryby.
Biełarusy mohuć pakinuć svaje zaŭvahi i prapanovy na śpiecyjalnaj temie na Pravavym forumie Biełarusi da 8 studzienia 2026 hoda ŭklučna.
Čytajcie taksama:
Rybak złaviŭ u Biełarusi hihanckaha sudaka — heta rekord