MAK źniaŭ zabaronu na arhanizacyju mižnarodnych spabornictvaŭ u Biełarusi

Na svaim pasiadžeńni 11 śniežnia Mižnarodny alimpijski kamitet vyrašyŭ źniać zabaronu na praviadzieńnie mižnarodnych spabornictvaŭ u Biełarusi. Pry hetym abmiežavańni dla Rasii zastajucca: mižnarodnym fiederacyjam pa-raniejšamu rekamiendujuć nie arhanizoŭvać tam spartyŭnyja mierapryjemstvy.

Fota: MAK

«Mižnarodnyja fiederacyi pavinny praciahvać ustrymlivacca ad arhanizacyi abo padtrymki mižnarodnych spartyŭnych mierapryjemstvaŭ u Rasii. Hetaja rekamendacyja bolš nie raspaŭsiudžvajecca na Biełaruś», — havorycca ŭ apublikavanaj spravazdačy MAK.

Taksama MAK dazvoliŭ maładym atletam ź Biełarusi i Rasii ŭdzielničać u mižnarodnych junackich turnirach — jak u indyvidualnych, tak i ŭ kamandnych dyscyplinach, u tym liku ŭ Junackich Alimpijskich hulniach u Dakary ŭ 2026 hodzie. Darosłych spartsmienaŭ hetyja pasłableńni pakul nie tyčacca.

U kamitecie padkreślili, što spartsmieny, asabliva maładyja, nie pavinny adkazvać za dziejańni svaich uładaŭ. Adnačasova sankcyi adnosna dziaržaŭnych čynoŭnikaŭ zachoŭvajucca: ich nie mohuć zaprašać abo akredytavać ni na jakija mižnarodnyja spartyŭnyja padziei.

Kamientary da artykuła