Pažyłaja niemka abakrała «miersiedes» u Hrodnie
U Hrodnie 67‑hadovaja hramadzianka Niamieččyny, jakaja spyniłasia ŭ horadzie prajezdam, trapiła ŭ kryminalnuju spravu.
Skryn videa
Jak piša kanał siłavikoŭ, zamiežnica nadumała prajścisia pa vulicach i pahladzieć horad. Na adnoj ź ich jana pabačyła «miersiedes» i padyšła acanić, jak vyhladaje niamiecki aŭtamabil, śćviardžaje kanał siłavikoŭ.
Aŭtamabil byŭ niezamknuty — miascovy žychar pryparkavaŭ jaho kala doma i adyšoŭ na niekalki chvilin pa spravach.
Žančyna zalezła ŭ sałon i znajšła na zadnim siadzieńni barsietku, ź jakoj vyciahnuła roznaj valuty na sumu kala 400 rubloŭ u ekvivalencie.
U hety momant padyšoŭ haspadar mašyny, žančynu zatrymali. Na jaje zaviali kryminalnuju spravu za kradziež.